Schöni Wiehnachte!

Blick zurück ins Tal
Frohes Fest.

Die Tanne hei Maa u Ching mau gmacht – es isch meh aus es Dotze Jahr sithäär. Sie hei Dachlatte kouft us Tannhouz im Heim u Hobby – u-n-e Metauröre derzue. I die Dachlatte hei sie derart Löcher boret, dass me d’Röre cha dürestosse. Füre Fuess het der Maa es paar Latte zämegschrubt u d’Röre drinn fixiert. Unger het er Röueli dra ta, dass mer der Boum ufem änge Baukon im Block chönnte hin u här stosse, wemer ds‘ Trottinet wette vüre nä – zum Bischpiu. Usse a jeder Dachlatte hei si grossi Schrube inegschrubt, vo unde här. U dört widerum schrubt me d’Cherze druuf. Es isch e schöni Idee, dä Boum wider usem Schopf ds‘ hole, o we d’Frou natürlech verschideni Bedänke het ghaa: „Es isch ds‘ zugig hie a der Bluemisteistrass, die brönne niemaus u d’Nachbare chöi zueluege wie’s nid geit u die tüüri Terrasse, die isch im Fau nid üsi.“
„No guts no glory“ hei d’Manne gseit u rächt ghaa dermit.

2 Gedanken zu „Schöni Wiehnachte!“

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.